سی سی ڈی کے مبینہ پولیس مقابلے جاری ہیں جب کہ تازہ ترین مقابلے میں ایک ملزم ہلاک اور ایک زخمی ہوگیا۔
رپورٹ کے مطابق ہربنس پورہ میں سی سی ڈی کے مبینہ مقابلے میں ایک ملزم ہلاک اور دو فرار ہو گئے، ہلاک ملزم کی شناخت فیصل کے نام سے ہوئی جس کی لاش کو مردہ خانے منتقل کردیا گیا۔
ادھر نواب ٹاون میں مبینہ پولیس مقابلے میں ایک ملزم زخمی ہوگیا جب کہ ایک فرار ہو گیا، زخمی ملزم کی شناخت جاوید کے نام سے ہوئی جسے ہسپتال منتقل کر دیا گیا۔
پولیس نے شواہد اکٹھے کر کے مفرور ملزمان کی تلاش شروع کر دی۔
