جھوٹے الزامات پر شریفوں اور حواریوں کا مشکور ہوں عمران خان

میرا کوئی روپیہ باہر نہیں نہ ہی کچھ بے نامی ہے لیکن ان کے اور ان کے بچوں کی اربوں کی پراپرٹی ہے، عمران خان۔ فوٹو : ایکسپریس

---

پاکستان تحریک انصاف کے چیئرمین عمران خان نے کہاہے کہ جھوٹے اور من گھڑت الزامات لگانے پر میں شریفوں اوران کے حواریوں کا مشکور ہوں۔

عمران خان کا کہنا ہے کہ شریفوں کے جھوٹے الزامات کی بدولت میں اپنا40سالہ مالی ریکارڈ تلاش کرنے میں کامیاب ہوا۔ سماجی رابطے کی ویب سائٹ پرجاری پیغام میں عمران خان نے مزید کہا کہ میں نے خود کو احتساب کے لیے قوم کے سامنے پیش کیا جبکہ احتساب کے اسی عمل نے شریف خاندان کے مالی جرائم کا پردہ چاک کیا ہے، شریفوں نے منی لانڈرنگ، ٹیکس چوری، اثاثے چھپانے، جھوٹ بولنے اور جعل سازی جیسے سنگین جرائم کا ارتکاب کیا ہے۔