بھارت میں شیلٹر ہوم کے سربراہ نے ذہنی معذور بہنوں کو ہوس کا نشانہ بناڈالا

بھارت کے شلٹر ہوم بھی لڑکیوں کے لیے غیر محفوظ ہوگئے،فوٹو:فائل

---

بھارتی ریاست مہاراشٹرا میں شیلٹر ہوم کے سربراہ نے 2 ذہنی معذور بہنوں کو اپنی ہوش کا شنانہ بناڈالا۔

بین الاقوامی میڈیا رپورٹس کے مطابق یہ افسوسناک واقعہ ریاست مہاراشٹر کے شہر کھاندڈوا میں پیش آیا جہاں شیلٹر ہوم کے ڈائریکٹر نے 2 بہنوں کو زیادتی کا نشانہ بنا ڈالا۔ 60سالہ ملزم پونم چند مالویا نے شلٹرہوم میں مقیم 13 اور15 سالہ دو بہنوں کو رات کا کھانے دینے کے بہانے اپنے کمرے میں بلایا اور پھران کی عزت تار تار کردی۔

یہ خبر بھی پڑھیں: ریپ کیس کے بعد بھارتی کرکٹرز کو عزیزواقارب کے پیغامات

سپرٹنڈنٹ پولیس سٹی ایس این تیواری کا کہنا ہے کہ ملزم کے خلاف مقدمہ درج کرکے اسے گرفتار کرلیا گیا ہے جب کہ مقامی عدالت نے ملزم کو جوڈیشل ریمانڈ پر جیل بھیج دیا ہے۔ تفتیشی افسر کے مطابق متاثرہ لڑکی نے بیان دیا کہ شلٹر ہوم کا ڈائریکٹر پہلے بھی ان کی عصمت ریزی کرچکا ہے جب کہ طبی معائنے کے بعد دونوں بہنوں کے ساتھ زیادتی کی تصدیق ہوئی ہے۔