- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
عدنان سمیع وہ واحد شخص ہے جس پر تمام پاکستانی شرمندہ ہیں، شان
کراچی: معروف پاکستانی اداکار شان شاہد نے کہا ہے کہ عدنان سمیع وہ واحد پاکستانی پیداوار ہے جس کے ہونے پر ہم شرمندہ ہیں۔
پاک بھارت حالیہ کشیدگی اور پلوامہ حملے کے دوران گلوکار عدنان سمیع خان نے بھارت کے ساتھ اپنی وفاداری کا ثبوت دیتے ہوئے بھارتی فوج اور نریندر مودی کے حق میں ٹوئٹ کی تھی۔ عدنان سمیع کے اس ٹوئٹ پر پاکستانی سوشل میڈیا صارفین نے انہیں شدید تنقید کا نشانہ بنایا اور اپنا غصہ اس طرح نکالا کہ انہیں بھارت میں پاکستانی خفیہ ایجنٹ قرار دے دیا۔
اس خبرکوبھی پڑھیں: سونو نگم کی شرانگیزی پھیلانے پر اپنے ہی میڈیا کی چھترول
عدنان سمیع کی اس غداری پرنا صرف پاکستانی عوام شدید غصے میں ہیں بلکہ پاکستانی فنکاروں نے بھی انہیں خوب آڑے ہاتھوں لیا۔ اداکار شان نے کہا ’’عدنان سمیع نا تو پاکستانی ہے اورنا ہی پاکستانی انٹیلی جنس کا کوئی خفیہ ایجنٹ، جسے کوئی اعزاز دیا جائے، وہ واحد پاکستانی ساختہ پیداوار ہے جس پر ہم شرمندہ ہیں، اس کے ساتھ ہی انہوں نے بھارت کو مخاطب کرتے ہوئے لکھا عدنان سمیع تمہارا ہے اسے اپنے پاس رکھو۔‘‘
Adnan Sami is not a Pakistani neither an agent as intelligence agents have honour he is the only Pakistani product that we are ashamed of . Keep him he is yours ..
— Shaan Shahid (@mshaanshahid) March 2, 2019
دوسری جانب اداکار احسن خان نے اپنے ایک بیان میں کہا ہے کہ عدنان سمیع کی مثال دھوبی کے اس کتے کی ہے جو گھر کا ہوتا ہے اور نہ ہی گھاٹ کا کیونکہ جس شخص کو اس ملک کی پرواہ نہیں جس میں اس کے والدین اور اولاد رہتی ہے،جس میں اس کا جنم ہوا اور جس نے اسے سب کچھ دیا اس سے خیر کی توقع نہیں رکھنی چاہیئے۔
احسن خان نے کہا کہ عدنان سمیع جیسے شخص کو اس ملک سے چلے ہی جانا چاہیئے تھاکیونکہ جو اپنے ملک کا نہ بن سکا وہ کسی اور کا کیا بنے گا، کچھ لوگ ہر طرح کے احساس سے عاری ہوتے ہیں اور ان میں ایک شخص یہ بھی ہے جس کی پہچان پاکستان ہے لیکن جو اپنی دھرتی ماں کو بھول جائے اس سے خیر کی توقع نہیں رکھنی چاہیئے۔
احسن خان نے مزید کہا کہ پاکستانی قوم باشعور ہے جسے عدنان سمیع کی بکواس سے کوئی فرق نہیں پڑتا، عدنان سمیع کی باتوں کوسنجیدہ نہ لیں کیونکہ وہاں اکیلا رہ رہ کر اس کا دماغ خراب ہوگیا ہے لہٰذہ ایسے شخص کی باتوں کا برانہ منائیں۔فنکار دنیا میں کہیں بھی ہوں انہیں خیرسگالی کا پیغام دینا چاہیئے۔ پوری پاکستانی قوم کو اس بات پر شرم آتی ہے کہ کبھی عدنان سمیع اس ملک کا حصہ تھا لیکن اچھا ہی ہے کہ اب اس سے ہمارا کوئی تعلق نہیں،وہ ہندوستان سے وفاداری نبھانے کے لئے کچھ بھی کرسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔