اسلام آباد:
بانی پی ٹی آئی عمران خان نے ججز تبادلہ و سنیارٹی کیس فیصلے کے خلاف انٹر کورٹ اپیل سپریم کورٹ میں دائر کر دی۔
درخواست میں موقف اپنایا گیا کہ ججز کا ٹرانسفر عدلیہ کی آزادی پر حملہ ہے، تین ہائی کورٹ ججز کو اسلام آباد ہائی کورٹ میں ٹرانسفر کا مقصد آزاد ججز کو پیچھے دھکیلنا ہے۔
عمران خان نے درخواست میں موقف دیا کہ اسلام آباد ہائی کورٹ کے بعض ججز نے مداخلت کے خلاف خط لکھا تھا، خطوط پر کارروائی کے بجائے ان ججز کی سینارٹی متاثر کی گئی، آرٹیکل 200 کے تحت ٹرانسفر صرف عارضی ہو سکتی ہے۔
درخواست گزار کے مطابق صدر کو ججز کی منتقلی یا سینئرٹی کا تعین کرنے کا اختیار نہیں، آئین کے اندر دی گئی طاقت کا غلط استعمال نہ ہونے دیا جائے۔
بانی پی ٹی آئی نے درخواست میں استدعا کی کہ ججز کی آزادی، سینیارٹی اور عدالتی خودمختاری کا تحفظ کیا جائے۔
